May 11, 2019;
വയനാട് ജില്ലയിലെ സഹ്യപര്‍വ്വതത്തോടു ചേര്‍ന്നുകിടക്കുന്ന വന്യജീവി സങ്കേതമാണ് തോല്‍പ്പെട്ടി വന്യജീവി സങ്കേതം. ആനകള്‍ക്കും പുലികള്‍ക്കും ഇവിടം പ്രശസ്തമാണ്. വടക്കെ വയനാടിന്റെ അതിര്‍ത്തിയില്‍ കര്‍ണാടകയുടെ കൂര്‍ഗ് ജില്ല വരെ വ്യാപിച്ചു കിടക്കുന്ന നിബിഡവനപ്രദേശമാണ് തോല്‍പ്പെട്ടി വന്യജീവി സങ്കേതം. വയനാട് വന്യജീവി സങ്കേതത്തിന്റെ അനുബന്ധ പ്രദേശം തന്നെയാണ് തോല്‍പ്പെട്ടി കാടുകള്‍. ആന, കാട്ടുപോത്ത്, മാന്‍ , പുലി, കടുവ തുടങ്ങിയ മൃഗങ്ങള്‍ ഇവിടെ കാണപ്പെടുന്നു. വനത്തിലൂടെ ജീപ്പില്‍ യാത്ര ചെയ്യാം. അതിനായി ഒരു ജീപ്പിന് 700 രൂപ വാടകയും ആള്‍ക്കൊന്നിന് 150രൂപയുമാണ് ചാര്‍ജ്. 7 പേര്‍ക്ക് ഒരു ജീപ്പില്‍ യാത്ര ചെയ്യാം.
രാവിലെ 7 മുതല്‍ 10 വരെയും വൈകുന്നേരം 3 മുതല്‍ 5 വരെയുമാണ് വനത്തിനുള്ളില്‍ പ്രവേശനാനുമതി. കാടും വന്യജീവികളെയും ഇഷ്ടപ്പെടുന്നവര്‍ക്ക് തോല്‍പ്പെട്ടിയില്‍ പോകാം. വയനാട്ടിലേക്ക് യാത്രപോകുന്നവര്‍ എന്തായാലും ഈ വന്യജീവി സങ്കേതം കാണാതെ മടങ്ങരുത്.
മാനന്തവാടിയില്‍നിന്ന് 24 കിലോമീറ്റര്‍ ദൂരവും കല്‍പ്പറ്റയില്‍ നിന്ന് 59 കിലോമീറ്റര്‍ ദൂരവും ബത്തേരിയില്‍ നിന്ന് 66 കിലോമീറ്റര്‍ ദൂരവും ഉണ്ട് തോല്‍പ്പെട്ടിയില്‍ എത്താന്‍. അടുത്തുള്ള റെയില്‍വേ സ്റ്റേഷന്‍ തലശ്ശേരിയാണ്.
Author : Seb Vayali
LOGIN TO REPOST THIS NEWS
LEAVE A COMMENT
Cease from posting remarks that are foul, abusive or provocative, and don't enjoy individual assaults, verbally abusing or affecting scorn against any community.Help us erase remarks don't pursue these rules by checking them hostile. We should cooperate to keep the discussion common.
COMMENTS