ADD TO PRINT

( 23 ഏപ്രിൽ 2013, വേദവായന : നടപടി  13 : 44  - 52  , യോഹന്നാൻ 14  : 7 - 14 )

 

                  സുവിശേഷ വത്കരണത്തിനായി നമ്മെ അയയ്ക്കുന്ന യേശുവിനെ നോക്കി  , അവന്റെ നാമം ആനന്ദത്തോടെ പ്രഖ്യാപിക്കാൻ , ആത്മാവിന്റെ ആനന്ദത്തെ നാം ഭയപ്പെടേണ്ടതില്ല . നാം നമ്മിൽ തന്നെ ‘അടയ്ക്കപ്പെടാതിരിക്കാനുള്ള വഴി’ അഥവാ നാം നമ്മിൽ തന്നെ കുടുങ്ങി പോകുക എന്ന അപകടത്തെ കീഴടക്കാനുള്ള വഴി , ആത്മാവിന്റെ ആനന്ദത്തെ പേടിക്കാതിരിക്കലാണ് . 

                  ഈ സന്തോഷം ഒരിക്കലും കീഴടക്കപ്പെടുകയില്ല എന്ന് തോന്നുന്നു . അപ്പസ്തോലന്മാരുടെ നടപടി ഗ്രന്ഥം സാക്ഷ്യപ്പെടുത്തുന്നതുപോലെ  , കർത്താവിന്റെ വചനം കേൾക്കാനായി അന്ത്യോക്യയിൽ ഒരുമിച്ചു കൂടിയ ശിഷ്യന്മാർ തങ്ങളെത്തന്നെ കർത്താവിനു ഭരമേല്പിച്ചതാണ് ,ഇപ്പോൾ നമ്മുടെ സ്മരണയിൽ വരുന്നത് . എന്നാൽ , യഹൂദന്മാരുടെ ‘അടഞ്ഞ’ സമൂഹം ,ചെറിയൊരു ഗണം നല്ല മനുഷ്യർ .എന്നാൽ ക്രിസ്ത്യാനികളുടെ വലിയ ഗണത്തെ കണ്ട്‌  അസൂയ മൂത്ത് അവരെ പീഡിപ്പിക്കാൻ കാരണമെന്ത്? അവരുടെ ഹൃദയം അടച്ചുവെച്ചതുകൊണ്ട് . പരിശുദ്ധാന്മാവിന്റെ പുതുമകൾക്ക് അവർ ഹൃദയം തുറന്നില്ല . എല്ലാം പറഞ്ഞു കഴിഞ്ഞിരുന്നു എന്ന് കരുതി . ഇനി ഒന്നും പറയപ്പെടാനില്ല എന്നെ അവർ വിചാരിച്ചു . കാര്യങ്ങൾ എങ്ങനെയായിരിക്കണമെന്ന് തങ്ങൾ വിചാരിച്ചുവോ .അതുപോലെ മാത്രമേ കാര്യങ്ങൾ ആയിരിക്കുകയുള്ളു എന്ന് അവർ നിനച്ചു . അതിനാൽ , വിശ്വാസത്തിന്റെ സംരക്ഷകരാണ് തങ്ങൾ എന്നും അവർ നിഗമനത്തിലെത്തി

അവർ അപ്പസ്തോലന്മാർക്കെതിരെ സംസാരിക്കാനും ഏഷണി പറയാനും തുടങ്ങി . ഏഷണി ….. അവർ എന്ത് ചെയ്തു ? സമൂഹത്തിൽ അധികാരത്തിൽ അധികാരമുണ്ടായിരുന്ന ,ആശയങ്ങൾ കൊണ്ട് ശിരസ്സ് നിറഞ്ഞിരുന്ന പ്രഭു കുടുംബങ്ങളിലെ സ്ത്രീകളുടെ അടുത്തേക്ക് പോയി , ഭർത്താക്കന്മാർക്കൊപ്പം ചെന്ന് അപ്പസ്തോലന്മാർക്കെതിരെ സംസാരിക്കാൻ അവരെ പ്രേരിപ്പിച്ചു . അടഞ്ഞ കൂട്ടങ്ങളുടെ മനോഭാവമാണിത്. ചരിത്രത്തിൽ കാണുന്ന എല്ലാ അടഞ്ഞ സംഘങ്ങളുടെയും മനോനിലയാണിത് . അധികാരത്തിലിരിക്കുന്നവരുമായി ഇടപാടുറപ്പിച്ച് , പ്രയാസങ്ങൾക്ക് പരിഹാരം കാണുക ! എന്നാൽ , തങ്ങളുടെ ഉള്ളിൽ മാത്രം …..   തിരുവുത്ഥാന ദിവസത്തിന്റെ പ്രഭാതത്തിൽ ചെയ്തതു പോലെ തന്നെ. ‘ഞങ്ങൾഅത് കണ്ടു” എന്ന് സാക്ഷ്യപ്പെടുത്തിയ പട്ടാളക്കാരോട് “ വാ പൊത്തൂ , ദേ ഈ പണം എടുക്കു. എന്നിട്ട് വായടയ്ക്ക ,മിണ്ടാതിരിക്കൂ” എല്ലാം പണം കൊണ്ട് മൂടിവയ്ക്കാമെന്ന് അവർ കരുതി . 

 

                   കർത്താവിനു സ്വയം തുറന്നു കൊടുക്കാൻ സ്വാതന്ത്ര്യമില്ലാത്ത എല്ലാ അടഞ്ഞ മതഭക്തികളുടെയും മനോഭാവമാണ് ഇത് . സത്യത്തെ പ്രതിരോധിക്കുക എന്ന ഒറ്റ കാര്യം മാത്രമാണ് അവരുടെ സമുദായ ജീവിതം. കാരണം , സത്യത്തിന്റെ സംരക്ഷകർ തങ്ങളാണെന്ന് അവർ വിചാരിക്കുന്നു . എന്നിട്ട് , എപ്പോഴും ഏഷണി പറയുക , അപവാദം പ്രചരിപ്പിക്കുക ….  അവരുടേതു നുണ പ്രചാരണ സമുദായമാണ്, വെടിപറയൽ സമുദായമാണ്, മറ്റുള്ളവരെ നശിപ്പിക്കുന്ന സമുദായമാണ്. തങ്ങളിലേക്ക് നോക്കി , തങ്ങളുടെ ഉള്ളിലേക്ക് മാത്രം നോക്കി , മതിലികൾക്കുള്ളിൽ സ്വയം അടച്ചു കളയുന്നു .

 

                      എന്നാൽ , സ്വതന്ത്രമായ സമുദായം , ദൈവത്തിന്റെയും പരിശുദ്ധാന്മാവിന്റെയും സ്വാതന്ത്ര്യമുണ്ടായിരുന്ന സമുദായം , മുന്നോട്ടു പോയി . മതപീഡനത്തിൽപോലും അത് മുന്നോട്ടു കുതിച്ചു കർത്താവിന്റെ വചനം ആ പ്രദേശമാകെ പ്രചരിച്ചു . കർത്താവിന്റെ സമുദായത്തിന്റെ സ്വഭാവമാണത്, മുന്നോട്ടു പോവുക , പ്രചരിപ്പിക്കുക,  കാരണം ,  മറ്റുള്ളവരിലേക്ക് എത്തിക്കുക, മറ്റുള്ളവരിലേക്ക് എത്തി നിൽക്കുക .എത്തിക്കുക എന്നതാണ് ചെയ്യാനുള്ള ശരിയായ കാര്യം . ഉള്ളിൽ മറച്ചു വയ്ക്കാനുള്ളതല്ല നന്മ ഇത് ഒരു മാനദണ്ഡമാണ് , സഭയുടെ മാനദണ്ഡം . നമ്മുടെ മനസാക്ഷിയുടെ ആത്മശോധനയ്ക്കും ഇത് മാനദണ്ഡമാണ് : നമ്മുടെ സമുദായം എങ്ങനെ ? നമ്മുടെ മത സമൂഹങ്ങൾ എങ്ങനെ ? നമ്മുടെ ഇടവക സമൂഹങ്ങൾ എങ്ങനെ ? പരിശുദ്ധാന്മാവിന് ഹൃദയം തുറന്നു വച്ചിരിക്കുന്ന സമൂഹമാണോ ? വചനം പ്രചരിപ്പിക്കാനായി എപ്പോഴും മുന്നോട്ടു കുതിക്കുന്ന  സമൂഹമാണോ ? അതോ അവ അടഞ്ഞ  സമൂഹമാണോ ? എല്ലാ കല്‍പനകളും പാലിക്കുന്നു എന്ന് ഉറപ്പു വരുത്തുകയും , കർത്താവു ഫരിസേയരോട് പറഞ്ഞപോലെ ,വിശ്വാസികളുടെ തോളിൽ നിരവധി കല്പനകളും ഉത്തരവുകളും കെട്ടിവയ്ക്കുകയും ചെയ്യുന്ന അടഞ്ഞ സമൂഹമാണോ അത് ? 

 

                      മതപരമായ കാര്യങ്ങൾ കൊണ്ടും അസൂയ കൊണ്ടും പീഡനം ആരംഭിക്കുന്നു എന്നാൽ , ശിഷ്യന്മാർ പരിശുദ്ധാന്മാവിന്റെ ആനന്ദത്തിൽ മനോഹരമായി സംസാരിക്കുകയും പുതിയ പാതകളും ഊടുവഴികളും വെട്ടിത്തെളിക്കുകയും ചെയ്തു . 

 

                    വിപരീത ദിശയിൽ ,എല്ലാം സ്വയം ശരിയെന്നു കരുതി ,തങ്ങളിൽ ഒതുങ്ങിക്കൂടി ,അടഞ്ഞ സമൂഹം ,അധികാരത്തോടും പണത്തോടും സന്ധി ചെയ്ത് ദോഷകരമായ കാര്യങ്ങൾ സംസാരിക്കുന്നു : പരിഹാരം , ദണ്ഡന  വിധി…. ഇതാണ് അവരുടെ മനോഭാവം തങ്ങൾ കുഞ്ഞുങ്ങളായിരുന്നപ്പോൾ  അമ്മ തങ്ങളെ തലോടിയ കാര്യം അവർ മറന്നിട്ടുണ്ടാകാം . അവർക്ക് വാത്സല്യമെന്തെന്നോ തഴുകലെന്തെന്നോ അറിയില്ല . അവർക്കു കടമ അറിയാം , പ്രവർത്തനം അറിയാം , ഉപരിപ്ലവമായ നിയമാനുഷ്ഠാനത്തിലൂടെ തങ്ങളിൽ തന്നെ അടച്ചുകെട്ടിയിരിക്കാനറിയാം . യേശു അവരോടു പറഞ്ഞതുപോലെ , “നിങ്ങൾ ശവക്കല്ലറ പോലെയാണ് .വെള്ളയടിച്ച കുഴിമാടങ്ങൾ.” സുന്ദരം! എന്നാൽ അതിൽ കൂടുതൽ ഒന്നുമില്ല . 

                  

                    മുന്നോട്ട് പോകുന്ന സുന്ദരമായസഭയെക്കുറിച്ചു നമ്മുക്ക് ചിന്തിക്കാം .പരിശുദ്ധാന്മാവിന്റെ  സ്വാതന്ത്ര്യത്തിനായി സഹിക്കുന്ന നിരവധിസഹോദരന്മാരെക്കുറിച്ചു നമ്മുക്ക് ചിന്തിക്കാം . ഇപ്പോൾ , ഈ സമയത്തു തന്നെ , വിവിധ സ്ഥലങ്ങളിൽ , മതപീഡനത്തിനു വിധേയമാകുന്നവരെക്കുറിച്ച് ചിന്തിക്കാം . സഹിക്കുമ്പോഴും ഈ സഹോദരന്മാർ ആനന്ദത്തിലാണ് , പരിശുദ്ധാന്മാവിന്റെ ആനന്ദത്തിൽ . നമ്മെ സുവിശേഷവത്കരണത്തിന് അയച്ച യേശുവിലേക്ക് നോക്കി നമ്മുക്ക് ആനന്ദത്തോടെ , ആനന്ദത്തിന്റെ നിറവോടെ , അവന്റെ നാമം പ്രഘോഷിക്കാം . ആത്മാവിന്റെ ആനന്ദത്തെക്കുറിച്ചു നമ്മുക്ക് ഭയം വേണ്ട . നാം നമ്മിൽത്തന്നെ അടഞ്ഞു പോകാതിരിക്കാൻ ആത്മാവിന്റെ ആനന്ദത്തെക്കുറിച്ചു പേടിക്കാതിരിക്കാം .

LOGIN TO REPOST THIS NEWS