ADD TO PRINT

 

2013 ഏപ്രിൽ മുപ്പതാം തീയതി പരിശുദ്ധ മാർപാപ്പ , നടപടി  14 : 19 - 28 , യോഹന്നാൻ  14 : 27 - 31 എന്നീ വേദവായനകൾക്കു നൽകിയ സന്ദേശം.

 

                       സഭ ലൗകികമാകുമ്പോൾ അത് ബലഹീനമായ സഭയായി അധഃപതിക്കുന്നു . പ്രാർത്ഥനയിലാണ്, ക്രിസ്തുവിന്റെ രക്ഷാകര പ്രവർത്തനവുമായി അടുത്ത ബന്ധം പുലർത്തുന്നതിനാലാണ് , നാം സുരക്ഷിതത്വത്തിന്റെ വഴി കണ്ടെത്തുന്നത് . പ്രായത്തിൽ മുതിർന്നവരെയും രോഗികളെയും കുട്ടികളേയും യുവാക്കളെയും കർത്താവിന്റെ കരങ്ങളിൽ സമർപ്പിച്ചുകൊണ്ട് സമ്പൂർണ്ണ സഭ രൂപപ്പെടേണ്ടതുണ്ട് . 

 

                    വിശ്വാസം നഷ്ടപ്പെടാതിരിക്കാൻ , പ്രത്യാശ അന്യം നിന്ന് പോകാതിരിക്കാൻ , കർത്താവു നമ്മെ ശക്തരാക്കട്ടെ . നമുക്ക് സഭയെ സംരക്ഷിക്കാം . നമ്മുക്ക് സഭയെ കരുതലോടെ സൂക്ഷിക്കാം . നമ്മുടെ പ്രവർത്തനം കൊണ്ടു നാം ഇത് ചെയ്യണം എന്നാൽ , ഏറ്റവും പ്രധാനമായി , കർത്താവുതന്നെയാണ് ഇത് ചെയ്യേണ്ടത് : 

 

ദുഷ്ടനെ നേരിട്ടെതിർത്തു അവനെ തോല്പിക്കാൻ കർത്താവിനു മാത്രമേ കഴിയൂ. “ ലോകത്തിന്റെ അധികാരി വരുന്നു . എങ്കിലും എനിക്കെതിരെ ഒന്നും ചെയ്യാൻ അവനു കഴിയില്ല” ലോകത്തിന്റെ അധികാരി സഭയുടെ നിയന്ത്രണം ഏറ്റെടുക്കാതിരിക്കണമെങ്കിൽ ലോകത്തിന്റെ അധികാരിയെ കീഴടക്കാൻ കെല്പ്പുള്ളവന്  നാം സഭയെ ഏൽപ്പിക്കണം . ഇവിടെ ഒരു ചോദ്യമുദിക്കുന്നു : നാം സഭയ്ക്ക് വേണ്ടി പ്രാർത്ഥിക്കുന്നു . എന്നാൽ , സമ്പൂർണ്ണ സഭയ്ക്കുവേണ്ടി നാം പ്രാർത്ഥിക്കുന്നുണ്ടോ ? നാം അറിയാത്ത സഹോദരങ്ങൾക്കുവേണ്ടി , ലോകത്തിന്റെ നാനാഭാഗത്തുള്ളവർക്കു വേണ്ടി നാം  പ്രാർത്ഥിക്കുന്നുണ്ടോ ?  അതു കർത്താവിന്റെ സഭയാണ് . നമ്മുടെ പ്രാർത്ഥനകളിൽ നമ്മുക്ക് കർത്താവിനോടു പറയാം : കർത്താവേ , നിന്റെ സഭയെ നീ തന്നെ കാത്തുകൊള്ളണമേ ..ഇത് നിന്റേതാണ് , നിന്റെ സഭ , ഞങ്ങളുടെ സഹോദരങ്ങൾ . നമ്മുടെ ഹൃദയത്തിൽ നിന്ന് ,കൂടുതൽ കൂടുതൽ ഈ പ്രാർത്ഥന ഉയരണം . 

 

                     നമ്മുക്ക് ഒരു കാര്യം ആവശ്യമുള്ളപ്പോൾ , കർത്താവിൽ നിന്ന് ഒരു കൃപ ചോദിക്കാൻ എളുപ്പമാണ് . നന്ദി പറയാനും എളുപ്പം തന്നെ . എന്നാൽ , എല്ലാവര്‍ക്കും വേണ്ടി പ്രാർത്ഥിക്കാൻ , ഒരേ മാമ്മോദീസ സ്വീകരിച്ചവർക്കു വേണ്ടി പ്രാർത്ഥിക്കാൻ , “അവർ നിന്റേതാണ് , അവർ ഞങ്ങളുടേതാണ് , അവരെ സംരക്ഷിക്കണമേ” എന്നു പ്രാർത്ഥിക്കാൻ എളുപ്പമല്ല . സഭയെ വളർത്തുന്ന ഒരു പ്രാർത്ഥനയാണ് സഭയെ കർത്താവിനു സമർപ്പിക്കുന്നത് . അത് ഒരു വിശ്വാസപ്രകരണവുമാണ് . നമ്മുക്ക് ഒന്നും ചെയ്യാൻ കഴിയില്ല . സഭയുടെ പാവം സേവകരാണ് നാം…. നാമെല്ലാവരും . അവനു മാത്രമേ ഇതിനെ മുന്നോട്ടു നയിക്കാനും സംരക്ഷിക്കാനും വളർത്താനും വിശുദ്ധയാക്കാനും ലോകത്തിന്റെ അധികാരിയിൽ നിന്നു പ്രതിരോധിക്കാനും ലൗകികമാകാതെ കാത്തു സൂക്ഷിക്കാനും  കഴിയൂ .ലൗകികമാകാനുള്ള പ്രലോഭനമാണ് ഏറ്റവും അപകടം ! സഭ ലൗകികമാകുമ്പോൾ , അതിനുള്ളിൽ തന്നെ ലൗകിക ചിന്തകൾ അരങ്ങു വാഴുമ്പോൾ , കർത്താവിൽ നിന്നല്ലാതെ സമാധാനം അതിനുള്ളിൽ ഉണ്ടാവുമ്പോൾ (കാരണം , കർത്താവു പറഞ്ഞു “ സമാധാനം ഞാൻ തരുന്നു , എന്റെ സമാധാനം നിങ്ങള്‍ക്ക് തരുന്നു , ലോകം തരുന്നതു പോലെയല്ല ഞാൻ അത് നൽകുന്നത്”), ലൗകിക സമാധാനം ഉണ്ടാകുമ്പോൾ , സഭ  ബലഹീനമാവുന്നു . അത്തരം സഭ പെട്ടെന്ന് ആക്രമിക്കപ്പെടുകയും കീഴടക്കപ്പെടുകയും ചെയ്യും . അതിനു സുവിശേഷം വഹിക്കാനുള്ള കരുത്ത് ഉണ്ടാവുകയില്ല . കുരിശിന്റെ സന്ദേശം വഹിക്കാൻ കരുത്ത് ഉണ്ടാവുകയില്ല . കുരിശിന്റെ ഇടർച്ച  വഹിക്കാനുള്ള ശക്തി  ഉണ്ടാവുകയില്ല . ലൗകികമായാൽ അതിനു മുന്നോട്ടു പോകാനേ കഴിയില്ല . സഭയെ കർത്താവിനു സമർപ്പിക്കുക . സഭയിലെ  മുതിർന്നവരെ , രോഗികളെ , കുട്ടികളെ , യുവാക്കളെ …..നിന്റെ സഭയെ സംരക്ഷിക്കണമേ , കർത്താവെ … അത് നിന്റേതാണ് . ഈ മനോഭാവമുണ്ടെങ്കിൽ , പീഡനങ്ങൾക്കിടയിലും അവനു മാത്രം നല്കാൻ കഴിയുന്ന സമാധാനം അവൻ നൽകും . ലോകത്തിനു നല്കാൻ കഴിയാത്ത സമാധാനം . പണം കൊണ്ട് വാങ്ങിക്കാൻ കഴിയാത്ത സമാധാനം .

 

                  സഭയിൽ യേശു സന്നിഹിതനായിരുന്നു എന്ന വാരദാനത്തിൽ നിന്ന് പുറപ്പെടുന്ന സത്യമായ സമാധാനം . ക്ലേശത്തിലായിരിക്കുന്ന സഭയെ കർത്താവിനു സമർപ്പിക്കുക …. വലിയ ക്ലേശങ്ങളും പീഡനങ്ങളും ഉണ്ട് … രോഗം , കുടുംബപ്രശ്‌നങ്ങൾ എന്നിങ്ങനെ ചെറിയ ക്ലേശങ്ങളും ഉണ്ട് . അവയെല്ലാം കർത്താവിനു സമർപ്പിക്കുക : ക്ലേശങ്ങളിൽ നിന്റെ സഭയെ സംരക്ഷിക്കണമേ , കർത്താവേ . വിശ്വാസം നഷ്ടപെടാതിരിക്കാനും പ്രത്യാശ അന്യം നിന്ന് പോകാതിരിക്കാനും നിന്റെ സഭയെ കാത്തുകൊള്ളണമേ . വിശ്വാസം നശിക്കാതിരിക്കാൻ , പ്രത്യാശ നഷ്ടപ്പെടാതിരിക്കാൻ കർത്താവു തന്നെ നമ്മെ ശക്തിപ്പെടുത്തട്ടെ . ഇതായിരിക്കട്ടെ നമ്മുടെ ഹൃദയത്തിൽനിന്ന് ഉയരുന്ന അഭ്യർത്ഥന . സഭയെ സമർപ്പിക്കുന്ന ഈ പ്രാർത്ഥന ഗുണം ചെയ്യും . സഭയ്ക്കും അത് ഗുണം ചെയ്യും. നമ്മുക്കും സഭയ്ക്കും അത് വലിയ സമാധാനം കൊണ്ടുവരും ക്ലേശങ്ങളെ അത് എടുത്തുമാറ്റുകയില്ല . എന്നാൽ , ക്ലേശങ്ങളിൽ നമ്മെ ശക്തരാക്കും 

 

   for more details : https://www.youtube.com/watch?v=5gExTacdwJE&list=PLaUtZ3dvlFuaqWbVWwEDwQstxTQKRbYWf&index=27             

LOGIN TO REPOST THIS NEWS