ADD TO PRINT

 

2013 മെയ്  ഒന്നാം  തീയതി പരിശുദ്ധ മാർപാപ്പ , കൊളോസോസ് 3 : 14 -15 --- 17 , 23 - 24 മത്തായി 13 : 54 - 58 എന്നീ വേദവായനകൾക്കു നൽകിയ സന്ദേശം.

 

                     എല്ലാവര്‍ക്കും ജോലി കൊടുക്കാതിരിക്കുകയോ , തൊഴിലാളികളെ ചൂഷണം ചെയ്യുമ്പോഴോ , സമൂഹം ,നീതിയോ ന്യായമോ അല്ല . സുവിശേഷങ്ങളിൽ യേശു അറിയപ്പെടുന്നത് “തച്ചന്റെ മകൻ” എന്നാണ് . യൗസേപ്പ് തൊഴിലാളി ആയിരുന്നു . അവനോടൊപ്പം തൊഴിൽ ചെയ്യാൻ യേശു പഠിച്ചു . ലോകത്തെ സൃഷ്ടിക്കാൻ ദൈവം അധ്വാനിച്ചു . തൊഴിലാളി എന്ന നിലയിലുള്ള ദൈവത്തിന്റെ ഈ പ്രതിച്ഛായ തൊഴിലിനു നാം പ്രതീക്ഷിക്കുന്നതിലേറെ മാഹാത്മ്യം കൊടുക്കുന്നു . അന്നന്നത്തെ അപ്പം നേടാനുള്ള മാർഗം മാത്രമല്ല അത് , തൊഴിൽ നമ്മുക്ക് അന്തസ്സ് തരുന്നു ! ജോലിയെടുക്കുന്നവന് യോഗ്യതയുണ്ട് . അവനു ഒരു അന്തസ്സ് ഉണ്ട് . വ്യക്തിയെന്ന നിലയിലുള്ള സത്വത്ത നിയമമുണ്ട് . തൊഴിലെടുക്കുന്ന സ്ത്രീയും പുരുഷനും യോഗ്യത ഉള്ളവരാണ് . തൊഴിലെടുക്കാത്തവർക്ക് ഈ അന്തസ്സില്ല . എന്നാൽ , ജോലിയെടുക്കാൻ സന്നദ്ധതയുള്ളവരുണ്ട് . എന്നാൽ ജോലിയെടുക്കാൻ കഴിയുന്നില്ല . ഇത് നമ്മുടെ മനഃസാക്ഷിയുടെമേൽ ഭാരം കയറ്റി വയ്ക്കുന്നു . എല്ലാവര്ക്കും തൊഴിലെടുത്തു ജീവിക്കാൻ കഴിയാത്ത വിധത്തിൽ സമൂഹത്തെ രൂപപ്പെടുത്തുമ്പോൾ ആ സമൂഹം ശരിയല്ല . തൊഴിലിന്റെ മാഹാത്മ്യം കൊണ്ട് ഐക്യതയുണ്ടാകാൻ സഹായിക്കാത്ത സമൂഹം രോഗാതുരമാണ് . അതു നീതിയല്ല . അത് ന്യായമല്ല . ആ സമൂഹം അനീതിയാണ് . ദൈവത്തിനെതിരാണ് അത് പോകുന്നത് . തൊഴിലിൽ നിന്ന് നമ്മുടെ അന്തസ്സ് ആരംഭിക്കണം എന്ന് തീരുമാനിച്ച ദൈവത്തിന് എതിരാണ് അത് . 

 

                    അധികാരത്തിൽ നിന്നോ പണത്തിൽ നിന്നോ സംസ്കാരത്തിൽ നിന്നോ  അല്ല അന്തസ്സുണ്ടാവുന്നത് . അല്ല ! തൊഴിലിൽ നിന്നാണ് അന്തസ്സുണ്ടാവുന്നത് ! അർഹതയുള്ള തൊഴിൽ . . കാരണം , ഇന്ന് പല സാമൂഹ്യ, രാഷ്ട്രീയ, സാമ്പത്തിക സംവിധാനങ്ങളും വ്യക്തികളെ ചൂഷണം ചെയ്യുന്നു . ശരിയായ കൂലി കൊടുക്കാതിരിക്കുക , ജോലി കൊടുക്കാതിരിക്കുക . കാരണം , കമ്പനിയുടെ നേട്ടവും ലാഭവും മാത്രമാണ് ഞാൻ നോക്കുന്നത് .എനിക്കെന്തു കിട്ടും എന്നാണ് ഞാൻ നോക്കുന്നത് . ദൈവത്തിനെതിരാണ് ഇത് ! എത്ര പ്രാവശ്യം - അനേകം പ്രാവശ്യം -  ലൊസ്സാരവത്തോരെ റൊമാനോ എന്ന വത്തിക്കാൻ പത്രത്തിൽ നാം വായിച്ചിരിക്കുന്നു . ബംഗ്ലാദേശിലെ ദുരന്തം ഉണ്ടായ ദിവസം തലക്കെട്ട് ഞാൻ വായിച്ചു : “ അമ്പതു ഡോളറുകൊണ്ട് ഒരു മാസം തള്ളിനീക്കിയവർ” . മരിച്ചവരുടെ മാസാവരുമാനം ഇതായിരുന്നു ഇതിനെയാണ് അടിമത്തൊഴിൽ എന്ന് വിളിക്കുന്നത് . സൃഷ്ടിക്കാനും തൊഴിലെടുക്കാനും അന്തസ്സുണ്ടാക്കാനും കഴിവു നൽകിയ ദൈവത്തിന്റെ മനോഹരമായ വരദാനത്തിൽ നിന്ന് നാം സൃഷ്ടിച്ചെടുത്തതാണ് ഈ അടിമത്തൊഴിൽ, സാമ്പത്തികവും രാഷ്ട്രീയവും സാമൂഹികവുമായ ഈ മനോഭാവം നിലനിൽക്കുന്നതിനാൽ എത്രമാത്രം സഹോദരന്മാരാണ് ഇത്തരം സാഹചര്യത്തിൽ ജീവിക്കാൻ വിധിക്കപ്പെടുന്നത് ? മധ്യയുഗത്തിൽ റബ്ബി തന്റെ യഹൂദസമുദായത്തോട് ബാബേൽ ഗോപുരത്തിന്റെ കഥ പറഞ്ഞു : അക്കാലത്ത് ഇഷ്ടിക വിലയേറിയ സംഗതി ആയിരുന്നു . ഒരു ഇഷ്ടിക നിലത്തു വീണാൽ അത് വലിയ പ്രശ്നമുണ്ടാക്കി . വലിയ ഇടർച്ചയുണ്ടാക്കി. “നോക്കൂ , നീ എന്താണ് ഈ ചെയ്തത് ?” ഇഷ്ടിക എടുത്തു കൊടുത്തിരുന്ന ആൾ വീണാലോ ! “സമാധാനത്തിൽ അവിടെ കിടന്നോളു!” അവർ  അവനെ അവിടെ ഉപേക്ഷിക്കുന്നു …. ഇഷ്ടിക ആളേക്കാൾ വിലപിടിപ്പുള്ളതായി . മധ്യയുഗത്തിൽ റബ്ബി പറഞ്ഞ കാര്യം ഇപ്പോഴും സംഭവിച്ചു കൊണ്ടിരിക്കുന്നു ! ആളുകൾക്ക് വസ്തുക്കളെക്കാൾ വില കുറഞ്ഞിരിക്കുന്നു ! രാഷ്ട്രീയവും സാമൂഹികവും സാമ്പത്തികവുമായ ശക്തിബലങ്ങൾ സൃഷ്ടിക്കുന്ന വസ്തുക്കൾക്കാണ് ആളുകളേക്കാൾ വില ! നാം എവിടെയാണ് എത്തപ്പെട്ടിരിക്കുന്നത്? ആളുകളുടെ അന്തസിനെക്കുറിച്ചു അവബോധമില്ലാത്ത ബിന്ദുവിലെത്തിയിരിക്കുന്നു നാം . തൊഴിലിന്റെ മാഹാത്മ്യം തിരിച്ചറിയാത്ത നാളുകളിലെത്തിയിരിക്കുന്നു നാം . 

 

                  ജോലിയെടുക്കുന്ന യൗസേപ്പ് , തൊഴിൽ ചെയ്തു ജീവിക്കുന്ന യേശു ,അധ്വാനിക്കുന്ന ദൈവം , ഇവരൊക്കെ നമ്മുക്ക് ഇന്ന് മാതൃകയാണ് . അന്തസ്സിലേക്കുള്ള വഴി അവർ കാണിച്ചു തരുന്നു . വിശുദ്ധ പൗലോസ് പറഞ്ഞത് നമുക്കിന്നു പറയാൻ കഴിയില്ല : അധ്വാനിക്കാത്തവനു ഭക്ഷണം കൊടുക്കരുത് .നാം ഇന്ന് പറയേണ്ടത് ഇങ്ങനെയാണ് : അധ്വാനിക്കാത്തവനു അന്തസ്സ് നഷ്ടപ്പെട്ടിരിക്കുന്നു . കാരണം , തൊഴിൽ ചെയ്യാനുള്ള സാധ്യതയില്ല . അതിനേക്കാൾ കൂടുതലായി അവന്റെ അന്തസ്സ് സമൂഹം അപഹരിച്ചിരിക്കുന്നു. സമൂഹം അവന്റെ അന്തസ്സിന്റെ വസ്ത്രം വലിച്ചൂരിക്കളഞ്ഞിരിക്കുന്നു ! “നിന്റെ സഹോദരൻ ആബേൽ എവിടെ” എന്ന് കായേനോട് ചോദിച്ച ദൈവത്തിന്റെ സ്വരം നാം കേൾക്കേണ്ടിയിരിക്കുന്നു .ഇന്ന്  അതിങ്ങനെയാണ് : തൊഴിലില്ലാത്ത നിന്റെ സഹോദരൻ എവിടെ ? അടിമ വേല ചെയുന്ന നിന്റെ സഹോദരൻ എവിടെ ? ഇത്തരം ജീവിത പരിസരത്തു ജീവിക്കുന്ന ഓരോരുത്തർക്കും വേണ്ടി , നമ്മുടെ സഹോദരീസഹോദരന്മാർക്കുവേണ്ടി , നമ്മുക്ക് പ്രാർത്ഥിക്കാം...

 

for more datails visit : https://www.youtube.com/watch?v=8k_ZARIruRc&list=PLaUtZ3dvlFuaqWbVWwEDwQstxTQKRbYWf&index=28

LOGIN TO REPOST THIS NEWS